ស្ទើរអស់ព្រលឹង ពេលឃើញពស់ថ្លាន់យក្សមួយក្បាលចូលដេកក្នុងម៉ាស៊ីនរថយន្ត

ថៃ៖ ម្ចាស់គណនីហ្វេសប៊ុកមួយឈ្មោះ «จตุรงค์ บุญยัง» បានបង្ហោះវីដេអូឃ្លីបមួយ បង្ហាញពីសកម្មភាពក្រុមសង្គ្រោះបានព្យាយាមចាប់ពស់ថ្លាន់មួយក្បាលចេញពីក្នុងម៉ាស៊ីនរថយន្ត ខណៈដែលវា បានវាទៅសម្ងំដេក ដែលហេតុការណ៍នេះ បានកើតឡើងនៅឯប្រទេសថៃ ។

 ប្រភពបានឱ្យដឹងថា មានពស់ថ្លាន់មួយក្បាលមានទំហំធំគួរឱ្យខ្លាច បានវាទៅដេកក្នុងម៉ាស៊ីនរថយន្ត ដែលធ្វើឱ្យម្ចាស់រថយន្តភ័យខ្លាចយ៉ាងខ្លាំង ទើបទូរស័ព្ទទៅកាន់ក្រុមសង្គ្រោះដើម្បីចាប់ពស់ថ្លាន់នោះចេញ។

ដោយសារតែពស់ថ្លាន់នោះមានទំហំធំខ្លាំងពេក ទើបក្រុមសង្គ្រោះបានប្រើពេលយូរក្នុងការព្យាយាមចាប់ទាញចេញពីម៉ាស៊ីនរថយន្ត ដែលលទ្ធផលទទួលបានជោគជ័យ ហើយក៏សម្រេចចិត្តយកពស់ថ្លាន់យក្សនោះ ទៅព្រលែងក្នុងព្រៃធម្មជាតិ ដែលជាជម្រកដ៏មាសសុវត្ថិភាពសម្រាប់វា ៕