កូនស្រី (ខ្ទើយ) របស់ឈិនឡុងឥឡូវធ្លាក់ខ្លួនដេកក្រោមស្ពានជាមួយមិត្តស្រី គ្រាន់តែសុំសិទ្ធិស្រឡាញ់ស្រីដូចគ្នាពីឪពុកម្តាយមិនបាន

កូនជាទីស្រឡាញ់របស់ជែកគីចាន់អះអាងថា នាងរស់នៅក្រោមស្ពានជាមួយមិត្តស្រីរបស់នាង Andi Autum ។នៅក្នុងការអំពាវនាវជាសាធារណៈដែលបានបើកដំណើរការតាមរយៈគេហទំព័រយូធូបកាលពីសប្តាហ៍មុននាង Etta Ng អាយុ ១៩ ឆ្នាំបានប្រកាសថាខ្លួនគ្មានផ្ទះសម្បែង ហើយនិយាយថាមិត្តភក្តិ និងគ្រួសារលែងមានឆន្ទៈជួយតទៅទៀតហើយ។

Etta ដែលមិនធ្លាប់មានទំនាក់ទំនងជាមួយតារាភាពយន្តហូលីវូដវ័យ ៦៤ ឆ្នាំ Jackie (ដែលរកចំណូលបាន ៣៩៥ លានដុល្លារ) បានបន្ទោស “ឪពុកម្ដាយដែលស្អប់ការស្រលាញ់ភេទដូចគ្នា” ចំពោះស្ថានភាពរបស់នាង ហើយនិយាយថានាងបច្ចុប្បន្នកំពុងរស់នៅក្នុងភាពភ័យខ្លាចនៃការបំបែកខ្លួនចេញពីមិត្តស្រីរបស់នាង។

និយាយទៅកាន់កាមេរ៉ា Etta ចាប់ផ្ដើមនិយាយថា “សួស្ដីខ្ញុំជាកូនស្រីរបស់ជែកគីចាន់ ហើយនេះគឺជាមិត្តស្រីរបស់ខ្ញុំ Andi ។ យើងគ្មានផ្ទះសម្បែងសម្រាប់រយៈពេលមួយខែមកហើយ ដោយសារតែឪពុកម្ដាយស្អប់ខ្ពើមពួកយើង។ យើងបានដេកភាគច្រើននៅក្រោមស្ពាន”។រឿងនេះត្រូវបានគេរាយការណ៍ចុងក្រោយថា Etta រស់នៅជាមួយម្តាយរបស់នាង Elaine ដែលជាអតីតរាជនីសម្រស់នៅហុងកុង។ប៉ុន្តែអ្នកទាំងពីរបានអះអាងថា ពួកគេត្រូវបានគេបង្ខំឱ្យដេកតាមដងផ្លូវដោយសារតែទំនាក់ទំនងរបស់ពួកគេ ហើយមិនអាចទាក់ទងជម្រករបស់រដ្ឋាភិបាលបានទេព្រោះពួកគេភ័យខ្លាចថា ពួកគេនឹងត្រូវបំបែក។

Andi បន្តថា “ខ្ញុំបានសុំជំនួយពីមិត្តភក្តិទាំងអស់របស់ខ្ញុំដើម្បីជួយ។ ខ្ញុំបានសុំឱ្យគ្រួសារខ្ញុំទាំងអស់ជួយ។ ហើយរាល់គ្នាគ្រាន់តែផ្ញើទីតាំងពួកយើងទៅកាន់ទីជម្រកផ្សេងៗ កន្លែងដែលពួកគេដឹងថាពួកយើងនឹងត្រូវបែកគ្នា”។Andi បានបន្តទៀតថាមិត្តភក្តិបានឈប់ឆ្លើយទូរស័ព្ទរបស់នាង។

ដោយបន្តការអង្វរនេះ Etta បន្ថែមថា “ខ្ញុំមិនយល់។ យើងបានទៅប៉ូលិស យើងទៅមន្ទីរពេទ្យ កន្លែងផ្ដល់ម្ហូបអាហារ ជម្រកសហគមន៍ស្រឡាញ់ភេទដូចគ្នា LGBTQ ហើយពួកគេទាំងអស់មិនផ្តល់ឱ្យយើងទេ។ មនុស្សពីរនាក់ដែលស្រឡាញ់គ្នាពិតប្រាកដ គឺមិនមែនព្យាយាមបែកគ្នាទេ ហើយពួកគេកំពុងព្យាយាមបំបែកពួកយើង ដោយសាររឿងស្រឡាញ់ភេទដូចគ្នា ខ្ញុំមិនយល់ទេ ហើយខ្ញុំស្រលាញ់នាង”។វីដេអូនេះបានមានអ្នកមើលរហូតដល់ទៅជាង ១០ ម៉ឺនដង នៅលើ YouTube ៕