ប្តីប្រពន្ធ២នាក់ ត្រូវក្រសួងប្រកាស ចាត់វិធានការជាបន្ទាន់ ទៅលើសកម្មភាព សម្លាប់សត្វព្រៃ ធ្វើម្ហូបឲ្យគេមើលដើម្បី…

រាជធានីភ្នំពេញ៖ ប្តីប្រពន្ធមួយគូរ បានធ្វើឲ្យអ្នកលេង បណ្តាញសង្គម មានការខឹងសម្បារយ៉ាងខ្លាំង ពេលដែលពួកគេបានឃើញ ប្តីជាអ្នកថត ឲ្យប្រពន្ធកាន់សត្វព្រៃជាច្រើនប្រភេទ ដើម្បីយកមកសម្លាប់ស្រស់ៗ ដើម្បីធ្វើម្ហូប ហើយថតបង្ហោះតាមប្រព័ន្ធ យូធូប ក្នុងគោលបំណងរកលុយ តាមបណ្តាញមួយនេះ ។

បន្ទាប់ពីមានការស៊ែរតៗគ្នា និងមានការរិះគន់ និងសូមឲ្យអាជ្ញាធរចាត់វិធានការ ជាបន្ទាន់ចំពោះប្តីប្រពន្ធ១គូរនេះ ស្រាប់តែប៉ុន្មានម៉ោងមុននេះ អ្នកនាំពា​​​​​​​​​​​ក្យក្រសួងបរិស្ថា​​​​​​​​​​ន បានថ្លែងប្រាប់​​​​​​​​​​​ថា ក្រសួងបរិស្ថានបានទទួល ព័ត៌មាននេះអស់​​​​​​​​​​ហើយ ហើយក៏កំពុ​​​​​​​​​ងប្រមូលព័ត៌​​​​​​​​​មានបន្ថែមទៀ​​​​​​​​​ តជុំវិញករណី​​​​​​​​​​​​​នេះ។ បើតាមលោក សៅ សុភាព ករណីនេះ គឺរដ្ឋមន្ត្រីក្រសួងបរិ​​​​​​​​​​ស្ថាន លោក ​សាយ សំអាល់ បានបញ្ជា​​ឲ្យចាត់វិធា​​​​​នការបន្ទាន់តែម្តង។

លោក សៅ សុភាព បា​នបញ្ជាក់យ៉ាងដូច្នេះ «ជាគោលកា​​​​​​​​​រណ៍មក គឺឯកឧត្ត​​​​​​​​​មរដ្ឋមន្រ្តី គាត់បា​​​​​​​​​​នបញ្ជាឲ្យ​​​​​​​​​​​​​​​ចាត់វិធានការ បន្ទាន់ហើយ។ យើង​​​​​​​​​​នឹងប្រមូលព័​​​​​​​​​ត៌មាន ហើ​​​​​​​​​​យយើងនឹង​ហៅគាត់មកអប់រំណែនាំ​​​​ ហើយប្រសិន​​​​​​​​​​​​​​​​​​​​​​បើរកឃើញថា ការសម្លាប់សត្វនេះ មា​​​​​​​​​​នកម្រិតធ្ង​​​​​​​​​​ន់ធ្ងរនឹងឈាន​​​​​​​​​​ទៅ ចាត់កា​​​​​​​​​រតាមច្បាប់រប​​​​​​​​​​​ស់ក្រសួ​​​​​​​​​​​​ង ថែមទៀ​​​​​​​​​​​​​​​​​​​​​​​​​តផង»។

ជាមួយគ្នានេះដែរ ក្រសួងក៏បានបញ្ជាក់ផងដែរថា មិនត្រឹមតែចាត់វិធានការ លើការប្រព្រឹត្តិរបស់ពួកគេទាំង២នាក់ ប្តីប្រពន្ធខាងលើប៉ុណ្ណោះទេ គឺក្រសួងក៏បានស្នើទៅខាង អ្នកគ្រប់គ្រង បណ្តាញសង្គម យូធូប ឲ្យលុបវីដេអូទាំងនេះចេញពីយូធូប ជាបន្ទាន់ផងដែរ។

សូមរំលឹកផងដែរថា ប្តីប្រពន្ធមួយគូរខាងលើនេះ បានបង្កើតឆានែលមួយ នៅក្នុងទំព័រយូធូប ឈ្មោះ “Natural Life TV” ដោយបានថតវីដេអូជាច្រើន ដោយបុរសជាប្តីជាអ្នកកាន់ កាម៉េរ៉ាថតវីដេអូ ចំណែកប្រពន្ធ បានយកសត្វព្រៃជាច្រើនប្រភេទ ជាពិសេសទៅទៀត គឺសត្វដែលជាប្រភេទសត្វកម្រ ជិតផុតពូជ ថែមទៀតផង ដោយសម្លាប់ហើយ យកមកធ្វើម្ហូបដើម្បីថតជាឯកសាររបស់ពួកគេ ក្នុងគោលបំណងរកអ្នកមើល នៅក្រៅប្រទេសដើម្បីបានលុយ ពីប្រព័ន្ធយូធូប៕